Réalisations NDP langue Corse - NUITS DU PIANO ERBALUNGA

Aller au contenu
Realizazione NDP   

2009: creazione di e « Notte di u Pianò » da Patriziu Moracchini.

2012: dopu organizatu unepochi di cuncerti in u Var, e “Notte di u Pianò” cunfèrmanu a so identità cù a creazione di u festivale “E Notte di u Pianò d’Erbalonga”, in un teatru à l’aria aperta di 1.500 posti, in una Marina di Capicorsu. Stu festivale prupone musicanti di livellu internaziunale, cun pianisti di prima trinca inseme à i più grandi artisti di a nova generazione chì colla tantu cum’è sulisti chè in mùsica di càmera. I media, France 3 Via Stella, France Bleu RCFM, Corse-Matin cusì cume a stampa naziunale sustènenu st’iniziativa à tempu cuminciata.

2014: nasce u prugettu pariginu “Les Nuits du Piano – Paris” chì presenta artisti venuti da i più alti gradi di a Scola Nurmale di Parigi – Alfred Cortot. Stu legame ricircatu cù a Scola Nurmale di Parigi hà dinù per scopu di presentà, tutti l’anni, u vincitore di u Premiu Cortot, attribuitu à a fine d’aprile da l’istituzione. In sèguitu unepochi di cuncerti sò dati in a Bibbiuteca pulunese nant’à l’ Ìsula Saint-Louis, eppo’ ind’è l’uditoriu di Torra Majunga di a Défense trà u 2014 è u 2018.

2016: E Notte di u Pianò allàrganu e so attività cù a pruduzzione di u primu dischettu (CD) di u pianistu russiu Ilya Rashkovskiy. Arregistratu ind’è l’uditoriu di u Centru Culturale VOCE, in Pigna, Cismonte, hè cunsacratu à l’òpere di Schumann è Chopin.

2018: a prugramazione di “E Notte di u Pianò – Parigi” hà da stèndesi in e grande sale parigine.
 
Finu à oghje, più di sessanta artisti sò stati presentati ind’è l’èmbiu di sti dui festivali:

Wikipedia  
Retourner au contenu